бүгд шуугилдаад явчихлаа. хор цацаж байна гэнэ. пий пай муухай үнэртэж байна, алив үүд хаалгаа, алив агааржуулагчаа гэлцэн бужигналдав. надад юу ч үнэртсэнгүй. шалчгар хамрынхаа палчгар самсааг яаж ч сартайлгаад үнэр мэдрэгч салстууд минь юу ч олж “долоосонгүй”. дэмий л гайхаж нүдээ эргэлдүүлж суув. яасан? зүгээр үү? гэж байна. бодвол хорны үнэрт мансуураад мажийх гэж байна гэж бодсон бололтой. 

маруужин идэцгээлээ, хоолны дараа. юу вэ? ямар муухай нялуун золиг вэ? яджийхад тэр голд нь байгаа цагаан юм.. түй чоорт... гээд яахав дээ, идэж л орхилоо. орой гэртээ ирээд байнга шахуу иддэг маруужингаа идэв.. бас л.. түй.. балиар.. нялуун.. худалч хүний хуурамч магтаал шиг.. хүүхэмсэг завхай залуугийн хайрын үг шиг.. балиар.. хоосон чихэрлэг.. түй.

ийм болчихлоо. сар гарангийн өмнөөс л юм шиг байна. хорны үнэрийг мэдрэхгүй байсанд гайхснаар нөхөр хамар болон нөхөр хэлийг сэжиглэж эхэлсэн минь энэ. амтлах, үнэрлэх эрхтнүүд маань эргүүтэж гүйцэж. бусдын мэдэрч байгаа үнэр амтыг адилхан хэмжээнд биш юм гэхэд ойролцоо мэдрэхгүй байх гэдэг... ямар ч юмб дээ.

ийм эргүүтэл анхны удаа биш ч амьдрал бүрхэг болчихлоо. амьдрал бүрхэх яахав ээ, аадар бороо болж хөгжихгүй л бол.

гэснээс өнөөдөр энд бороотой, сэрүүхэн.. ёстой жаргалтай байнаа. шөнөдөө бүтэн нойртой хонох нь.
гэснээс нэг этгээд намайг, чи ингэж ч зовлоо, тэгж ч үйл лайгаа эдэллээ гэж их бичихийн (дэмийр!), дандаа өөрийгөө хохирогч болгож байхаа татвал таарна (донгос!) гэж авсан. гараа ардаа нууж байгаад зангидцан, өөдөөс нь ккк.. 

гэхдээ энэ этгээд бол надад нэг тийм санаа зовсон маягтай, санаа тавьсан маягтай хэлсийм шиг байгаам, хөөрхий. энэ этгээд бол, "чи муу бол зүгээр нэг виртуалчин" гэж зүхсэн бас нэг этгээдийн хажууд ч ээнжэл ээ... ээнжэл, Хиристоос минь. түүнийг Аллах өршөөх болтугай... трахх дибидаххх пибидаххххх...

гэснээс "виртуалчин" гэж юу юумб? гоё л мэргэжил байх даа... би лав тийм болцорсон шүү.

... гсн үэхэхэ.